पर्वरी: पर्वरीच्या आमदार दिव्या राणे यांनी मंगळवारी सांगितले की, त्यांचे पती, वाळपईचे आमदार विश्वजित राणे यांना 15 वर्षांचा राजकीय अनुभव असल्याने ते मुख्यमंत्रीपद स्वीकारण्यास तयार आहेत, परंतु अंतिम निर्णय हा पक्ष नेतृत्व घेईल. (Vishwajit Rane is eager to become the Chief Minister of Goa)

दरम्यान त्यांना पक्षातील असंतोषाबाबत विचारले असता, त्या म्हणाल्या, “मला असहमतीबद्दल माहिती नाही, पक्षाचा उच्चाधिकार निर्णय घेईल” असे त्या म्हणाल्या.

विश्वजित हे मुख्यमंत्री (CM Candidate) पदासाठी विचारात आहेत का असा प्रश्न त्यांना केला असता, त्या म्हणाल्या, “नक्कीच. मला वाटते की निवडून आलेला कोणताही प्रतिनिधी तयार असेल आणि ते गेल्या 15 वर्षांतील अत्यंत अनुभवी राजकारणी आहेत, परंतु अंतिम निर्णय केंद्रीय नेतृत्व घेईल. भाजपमध्ये सावंत (Parmod Sawant) आणि विश्वजित (Vishwajeet Rane) अशी कोणतीही गटबाजी नाही, हे सर्व मीडियाने तयार केले असल्याचे त्या म्हणाल्या. "मी कशासाठीही दावा करत नाही. जर पक्षाला वाटत असेल की मी मंत्रिमंडळात येण्यास योग्य आहे, तर त्याचा निर्णय अंतिम आहे असे त्यांनी स्पष्ट केले.

राणे दाम्पत्याने काँग्रेसचा दारुण पराभव केला

सत्तरी तालुक्यात राणे दाम्पत्याने काँग्रेसचा दारुण पराभव केला आहे. वाळपई मतदारसंघात विश्वजीत राणेंनी मोठ्या मताधिक्याने विजय मिळवला आहे, तर पर्ये मतदारसंघातून विश्वजीत राणेंच्या पत्नी दिव्या राणे यांनी आमदारकी मिळवली आहे. दोन्ही मतदारसंघात अगदी सहजपणे भाजपला (Goa BJP) विजय मिळाला आहे. विश्वजीत राणेंना यावेळी रिव्हॉल्युशनरी गोवन्सच्या मनोज परब यांनी कडवी टक्कर दिली आहे. मात्र अटीतटीच्या लढतीत विश्वजीत यांनी मनोज परब यांचा पराभव केला आहे.