Velsao protesters Dainik Gomantak
गोवा

Velsao : पाहणी शिवाय काम सुरु केल्यास खबरदार; वेळसांव आंदोलकांचा इशारा

खासगी जागेत रेल्वे विकास निगम अतिक्रमण करीत असल्याचा स्थानिकांचा दावा

गोमन्तक डिजिटल टीम

Velsao : वेळसांव येथे रेल्वे विकास निगम खासगी मालमत्तेत अतिक्रमण करून काम करते, असा आरोप करून स्थानिकांनी काम बंद पाडल्यावर आज त्या ठिकाणी येऊन प्रत्यक्ष पाहणी करण्याचे आश्वासन उपजिल्हाधिकारी रविशेखर निपाणीकर यांनी देऊनही ते त्या ठिकाणी फिरकलेच नाहीत. त्यामुळे खवळलेल्या आंदोलकांनी जोपर्यंत उपजिल्हाधिकारी या ठिकाणी येऊन पाहणी करत नाहीत, तोपर्यंत रेल्वेला कुठलेही काम करू देणार नाही आणि त्यांनी बळजबरीने ते करण्याचा प्रयत्न केल्यास प्रसंगी कायदाही हाती घेऊ, असा इशारा दिला.

शुक्रवारी सकाळी ११ वाजता उपजिल्हाधिकारी निपाणीकर यांनी आपण वेळसांव येथे येऊन पाहणी करू, असे सांगितले होते. त्यामुळे मोठ्या प्रमाणावर स्थानिक आणि आंदोलक उपस्थित झाले होते. कुठ्ठाळीच्या माजी आमदार एलिना साल्ढाणा तसेच काँग्रेसचे आमदार एल्टन डिकॉस्ता, काँग्रेस प्रदेशाध्यक्ष अमित पाटकर, कॅ. व्हिरीयातो फर्नांडिस, ओलेन्सियो सिमोईस हे उपस्थित होते. दुपारी २ वाजून गेले तरी निपाणीकर तिथे फिरकले नाहीत, त्यामुळे लोकांनी संताप व्यक्त केला.

अदानीचा कोळसा वाहून नेण्यासाठी रेल्वेला या मार्गाचे लवकरात लवकर दुपदरीकरण करायचे आहे. या कोळशासाठी सरकार स्थानिकांचा बळी देत आहे असा आरोप काँग्रेस प्रदेशाध्यक्ष अमित पाटकर यांनी सरकारवर केला.

Velsao protesters

रेल्वे खासगी जमिनीत अतिक्रमण करत आहे. उपजिल्हाधिकारी गावच्या लोकांना संरक्षण देण्याऐवजी रेल्वेच्या बेकायदेशीर कामाला पाठिंबा देत आहेत असा आरोप माजी आमदार एलिना साल्ढाणा यांनी केला आहे.

निपाणीकर यांचा वापर करून घेऊन सरकारने पेडणे येथे लोकांच्या जमिनी बळजबरीने आपल्या ताब्यात घेतल्या. आता या रेल्वे मार्ग विस्तारासाठी अशाच प्रकारची बळजबरी करायची आहे. त्यासाठी त्यांनी निपाणीकर यांना मुरगाव येथे पाठविले असून जे पेडणे येथे त्यांनी केले तेच ते आता त्यांना येथे करायचे आहे, असा आरोप कॅ. फर्नांडिस यांनी केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

World Cup 2025: टीम इंडियासाठी 'करो या मरो'चा सामना, उपांत्य फेरी गाठण्यासाठी 'विजय' आवश्यक; इंग्लंडविरुद्ध 'अशी' असेल Playing 11

Goa Diwali Bazar: पणजी, दिवचल भरला दिवाळी बाजार...

Pakistan-Afghanistan War: "पाकिस्तान क्रिकेट को बर्बाद करना चाहता है…" माजी अफगाण कर्णधाराची शत्रू देशावर टीका

राजधानीत नरकासुराचा 'हाहाकार', दिवाळीची तयारी जोरदार ; Watch Video

जब तक सूरज - चांद रहेगा तब तक पर्रीकर- रवि तुम्हारा नाम रहेगा! मागोवा

SCROLL FOR NEXT