पणजी, राज्यात मागील महिन्यापासून फळभाज्या, पालेभाज्यांच्‍या दरात मोठ्या प्रमाणात वाढ झाली आहे.

या महागाईच्या भडक्याचा फटका सर्वसामान्य तसेच मध्यमवर्गीय नागरिकांना बसत आहे. राज्यात कांद्या, बटाट्यासहित सर्वच भाज्यांच्या दरात मोठ्या प्रमाणात वाढ झाली आहे. बेळगाव परिसरात जोरदार पाऊस सुरू झाल्यामुळे भाजीची नासाडी झाली आहे. भाजीची शेती पाण्याखाली गेली आहे.

गेल्या महिन्यात ४० रुपये किलो दराने विकले जाणारे कांदे, बटाटे ५० रुपये किलो दराने विकले जात आहेत. टोमॅटो पणजी बाजारात ८० रुपये प्रती किलो दराने विकले जात आहेत. वालपापडीचे दर २६० रुपये प्रती किलो होते परंतु वालपापडीच्या दरात घट झाली असून १६० रुपये प्रती किलो दराने विकली जात आहे.

बेळगावात भाजीची आवक कमी झाल्याने मोठ्या प्रमाणात दर वाढले आहेत. पुढील महिनाभर वाढलेलेच राहण्याची शक्यता विक्रेते व्यक्त करत

आहेत.

आले आणि लसणाचे दर मागील महिन्यापासून वाढलेलेच आहेत. मध्यम आकाराचा लसूण बाजारात ३६० रुपये किलो आहे तर आले २०० रुपये किलो दराने विकला जात आहे. सध्या पावसाळ्यात आल्याला मोठ्या प्रमाणात मागणी आहे परंतु आल्याचे दर सर्वसामान्यांच्या डोळ्यात पाणी आणत आहेत.

बाजारभाव

बाजारभाव

भाजी फलोत्पादन बाजारातील

महामंडळ दर

कांदा ४१ ५०

बटाटा ४० ५०

टॉमेटो ६४ ८०

कोबी ४० ४०

फूल कोबी ४५ ४५

भेंडी ५८ ८०

गाजर ४३ ८०

वालपापडी ७३ १६०

हिरवी मिरची ७२ १००.