Vasco Traffic Police: वास्को वाहतूक पोलीस खात्यातील वाहतूक पोलीस निरीक्षक आनंदू राणे व पोलिस उपनिरीक्षक मोहन गावकर यांना त्यांच्या वाहतूक पोलिस सेवेत 40 वर्षांच्या सेवेनंतर सेवानिवृत्ती देण्यात आली. वाहतूक पोलीस उपनिरीक्षक (Sub Inspector) आनंदू राणे व मोहन गांवकर गेल्या 40 वर्षापासून गोवा पोलिस सेवेत रुजू होते. या काळात त्यांनी आपल्या सेवेत अनेक समाजप्रति सेवा घडविली. मुख्य म्हणजे वाहतूक नियमात सिथीलता तसेच वाहनचालकांमध्ये शिस्तीचे धडे देण्यास त्यांचा मोठा हातखंड आहे. या कार्यकाळात त्यांनी वास्को वाहतूक पोलीस स्थानकातून अनेक वाहतूक पोलीस (Traffic Police) निरीक्षकांच्या हाताखाली उत्कृष्ट सेवा बजावली. यात मुख्यत्वे पोलिस उपअधीक्षक धर्मेश आंगले व सुदेश नार्वेकर यांच्या मार्गदर्शनाखाली त्यांनी आपली उत्कृष्ट सेवा बजावून वाहन चालकांमध्ये सुसूत्रता आणण्यासाठी सहकार्य केले आहे. Vasco traffic police officer retires after 40 years of service)

दरम्यान योगायोग म्हणजे आज त्यांना त्यांचे माजी पोलीस निरीक्षक ज्यांना आता पोलीस उपअधीक्षक पदी बढती मिळाली आहे ते म्हणजे उपअधीक्षक धर्मेश आंगले व सुदेश नर्वेकर यांच्या उपस्थितीत सेवा निवृत्ती देण्यात आली.

वास्को वाहतूक पोलीस स्थानकात झालेल्या एका छोट्या कार्यक्रमात उपअधीक्षक धर्मेश आंगले व सुदेश नार्वेकर यांच्या हस्ते पुष्पगुच्छ व भेटवस्तू देऊन गौरविण्यात आले. या प्रसंगी वाहतूक पोलीस कर्मचारी वर्ग उपस्थित होता. उपस्थितांनी पोलिस उपनिरीक्षक मोहन गांवकर व आनंदू राणे यांना पुढील वाटचालीस शुभेच्छा दिल्या.