वाळपई: शहरातील वॉर्ड क्रमांक ७ मधून एक धक्कादायक घटना समोर आली आहे. स्थानिक रहिवाशांनी एका व्यक्तीला नग्नावस्थेत कपडे चोरताना रंगेहात पकडलं आहे. हा व्यक्ती घरांसमोरील अंगणात व सुकत ठेवलेले कपडे चोरत असल्याचं स्थानिक रहिवाशांनी सांगितलं.

सकाळच्या सुमारास रहिवाशांना परिसरात काहीतरी संशयास्पद हालचाल जाणवली. नागरीकांनी एका नग्नावस्थेत असलेल्या एका व्यक्तीला कपडे गोळा करताना पाहिले. हा प्रकार लक्षात येताच काही लोकांनी त्याला पकडले.

पकडल्यानंतर या युवकाला जाब विरारला असता, त्यानं दिलेल्या उत्तरानं उपस्थित नागरिक आश्चर्यचकित झालं. "माझी हीच आवड आहे. जुने आणि वापरलेले कपडे गोळा करणे हे माझे पॅशन आहे," असं तो युवक म्हणाला.

घटनेची माहिती मिळताच रहिवाशांनी पोलिसांना संपर्क केला. मात्र, पोलिसांच्या येण्याआधीच हा संशयित व्यक्ती जवळच्या झुडुपांमध्ये पळून गेला. झुडुपांमध्ये त्याने आधीच चोरी केलेले कपडे लपवले होते. काही वेळाने त्याने ते कपडे स्वतः घालून पोलिसांसमोर शरण जाण्याचा निर्णय घेतला.

वाल्पोई पोलिसांनी त्वरित कारवाई करत संशयिताला अटक केली आणि त्याला दंडाधिकाऱ्यांसमोर हजर केले. ही घटना उघडकीस आल्यानंतर रहिवाशांमध्ये मोठा संताप पसरला आहे. स्थानिकांनी पोलिसांकडे परिसरात सुरक्षेच्या दृष्टीने अधिक कडक उपाययोजना करण्याची मागणी केली आहे.