Crime महिला अत्याच्याराच्या गुन्ह्यांबाबत गोवा पोलिसांनी झीरो टॉलरन्स धोरण स्विकारलेले असले तरी दोन प्रकरणांत मात्र पोलिसांनी गुन्हा दाखल हयगय केली होती. त्यावेळी पोलिसांनी बलात्काराच्या गुन्ह्याची नोंद करण्यास नकार दिल्याचे समोर आले होते.

यासंदर्भातच एक महत्वाची बातमी हाती येतेय. अल्पवयीन मुलीवरील लैंगिक अत्याचार प्रकरणी एफआयआर नोंदवण्यात दिरंगाई केल्याप्रकरणी वाळपई पीआय प्रज्योत फडते यांना निलंबित करण्यात आले आहे.

सत्तरीतील एका अल्पवयीन मुलीच्या लैंगिक अत्याचाराच्या तक्रारीची दखल घेण्यास बराच वेळ घेतल्याच्या आरोपावरून वाळपई पोलीस ठाण्याचे निरीक्षक प्रज्योत फडते यांना आज निलंबित करण्यात आले आहे.

सदरची तक्रार मुलींच्या पालकांनी उच्च अधिकाऱ्यांकडे केली होती. याची दखल घेत आज फडते यांचे निलंबनाचे आदेश जारी करण्यात आले आहे. यामुळे वाळपई भागात खळबळ उडाली आहे.

यावेळी मिळालेल्या माहितीनुसार दहा दिवसापुर्वी सत्तरी तालुक्यातील एका अल्पवयीन मुलीचे अश्लील फोटो सोशल मीडियावर व्हायरल करून तसेच धमकी देऊन लैंगिक अत्याचार केल्याची तक्रार वाळपई पोलिसात केली होती.

मात्र त्या अल्पवयीन मुलीच्या पालकांना पोलिस तक्रार घेण्यास बराच वेळ घेतल्याची तक्रार वरिष्ठ अधिकाऱ्यांकडे केल्यामुळे आज प्रज्योत फडते यांना निलंबित करण्यात आले आहे. सदरची पुढील चौकशी सुरु आहे.