वाळपई: वाळपई पोलिसांनी चोर्ला घाटातील जांबळीकडे येथे केलेल्या एका कारवाईत कर्नाटकात बेकायदा दारूची वाहतूक करणारे एक वाहन व तिघांना ताब्यात घेउन अबकारी विभागाच्या स्वाधीन केले.

पोलिस सूत्रांकडून मिळालेल्या माहितीनुसार, चोर्लाघाट मार्गावर बेकायदा दारू वाहतूक होत असल्याची माहिती मिळाल्यानंतर पोलिसांनी गस्त वाढवून वाहनांची तपासणी सुरू केली होती. यावेळी टाटा टिप्पर (क्र. केएल ११ एएफ ७११६) थांबवून तपासणी केली असता, या वाहनात दारूचा मोठा साठा सापडला.

या दारूबाबत वाहनचालकांकडे कोणत्याही प्रकारचा वैध परवाना नव्हता. त्यामुळे पोलिसांनी वाहनासह या वाहनात असलेल्या तिघांना ताब्यात घेतले व वाळपईत आणून दारू असलेले वाहन व संशयितांना वाळपईतील अबकारी विभागाच्या ताब्यात देण्यात आले.

ही दारू नेमकी किती किंमत आहे, हे अद्याप समजू नाही. या कारवाईचे नेतृत्व वाळपई पोलिस निरीक्षक विदेश शिरोडकर यांच्या मार्गदर्शनाखाली उपनिरीक्षक प्रथमेश गावस व त्यांच्या पथकाने केले.