Covid Update: गोव्यात नवीन वर्षाच्या स्वागतानंतर कोरोना रुग्णसंख्येत वाढ होताना दिसत आहे. दरवर्षी गोव्यात नवीन वर्षासाठी (New Year) देशातील आणि परदेशातील लाखों पर्यटक येत असतात. कोरोनाकाळात गेल्यावर्षी याच महिन्यात रुग्णसंख्या वाढली होती. आणि आताही हेच चित्र दिसत आहे.

यातच आज केंद्रीय आरोग्यमंत्री डॉ. मनसुख मांडविया (Dr. Mansukh Mandaviya) यांनी सर्व राज्यांची आढावा बैठक घेतली. कोविड-19 प्रतिबंधात्मक उपाययोजना, प्रतिसाद आणि लसीकरण (Vaccination) योजनेचे पुनरावलोकन करण्यासाठी ह्या बैठकीचे आयोजन करण्यात आले होते. आभासी पद्धतीने (Virtual Meeting) hiही बैठक पार पडली. गोव्याचे आरोग्यमंत्री डॉ. विश्वजित राणेही ह्या बैठकीला उपस्थित होते. यामध्ये ओमिक्रॉन (Omicron) संदर्भात नियमावली जारी करण्याची तसेच कोविड-19 चाचणीसाठी (Corona Test) जिनॉम सिक्वेन्सिंग मशीन देण्याची मागणी गोव्यातर्फे करण्यात आली आहे.