Mahadayi Water Dispute: पंतप्रधान नरेंद्र मोदी यांच्या नेतृत्वाखाली आज, बुधवारी झालेल्या मंत्रीमंडळ बैठकीत म्हादईचा प्रवाह निर्माण करण्यास मान्यता देण्यात आली. केंद्रीय जलशक्ती मंत्री गजेंद्रसिंह शेखावत यांनी ट्विटरवरून ही माहिती दिली आहे.

मंत्री शेखावत यांनी ट्विटमध्ये म्हटले आहे की, या निर्णयामुळे म्हादई पाणी विवाद लवादाच्या निवाड्याचे आणि निर्णयांचे पालन, अंमलबजावणी करणे शक्य होईल. गोवा, कर्नाटक आणि महाराष्ट्र या तीन राज्यांमधून वाहणाऱ्या म्हादई नदीच्या पाणी वाटपावरून वाद आहे.

या तिन्ही राज्यांमध्ये परस्पर विश्वास आणि समजूतदारपणा निर्माण करण्यासाठीही हा निर्णय मदत करेल. त्यामुळे या प्रदेशाच्या सर्वांगीण विकासासाठी या प्रदेशातील जलस्त्रोतांचा योग्य वापर सुनिश्चित होईल, असेही शेखावत यांनी म्हटले आहे.

(सविस्तर बातमी देत आहोत)