फोंडा: वारखंडे-फोंडा येथील पार्क केलेल्या एका ट्रकमध्ये अज्ञात व्यक्तीचा मृतदेह शुक्रवारी रात्री सापडला. तीव्र वास येत असल्याने येथील काही लोकांनी शोधाशोध केली तेव्हा ट्रकच्या केबिनमधे कुजलेल्या अवस्थेत मृतदेह सापडला.

(unidentified body was found in ponda)

याबाबत फोंडा पोलिसांना कळवल्यानंतर त्यांनी लगेच धाव घेऊन मृतदेहाची पाहणी केली. मात्र मृतदेहाची ओळख पटू शकली नाही. हा मृतदेहा एखाद्या भिकाऱ्याचा असू शकतो, असा पोलिसांचा प्राथमिक अंदाज आहे. पोलिस अधिक तपास करीत असून मृतदेह शवचिकित्सेसाठी बांबोळी इस्पितळात पाठवला आहे.