मडगाव : कुंकळ्ळी पालिकेचे नगरसेवक उद्देश नाईक देसाई यांची गोवा फॉरवर्ड पक्षाच्या विद्यार्थी विभागाचे अध्यक्ष म्हणून निवड करण्यात आली आहे. पक्षाचे उपाध्यक्ष दुर्गादास कामत यांनी त्यांना आज हा पदभार दिला.
गोवा फॉरवर्ड पक्षाचे अध्यक्ष विजय सरदेसाई यांनी हा नियुक्ती आदेश जाहीर केला. देसाई हे युवा नेते असून कुंकळ्ळी नगरपालिकेचे ते सर्वात लहान वयाचे नगरसेवक आहेत. देसाई यांची गोव्याप्रति पूर्ण निष्ठा असून त्यांची विचारसरणी आणि शक्ती गोव्यातील विद्यार्थी वर्गाला निश्चितच पुढे नेईल असा विश्वास गोवा फॉरवर्डचे अध्यक्ष विजय सरदेसाई यांनी व्यक्त केला आहे.
उद्देश देसाई यांनी हा पदभार स्वीकारताना अध्यक्षांच्या अपेक्षा आपण निश्चितच पूर्ण करण्याचा प्रयत्न करू असे सांगितले. हा पदभार देण्याचा समारंभ आज मडगावातील गोयकार घरात झाला. यावेळी गोवा फॉरवर्डच्या पर्यावरण आघाडीचे विकास भगत हेही उपस्थित होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.