Ponda Police News: फोंडा पोलिसांनी एका दुचाकी चोरट्याला अटक केली. अनिकेत परेरा (वय 19) असे त्याचे नाव असून त्याच्याकडून एकूण ३ दुचाकी जप्त करण्यात आल्या आहेत. फोंडा पोलिसांनी परेरा याला गवणे येथून ताब्यात घेतले.

याबाबत 13 जुलै रोजी रामचंद्र नाईक (वय 50 वर्ष) यांनी तक्रार दाखल केली होती. त्यांची दुचाकी Honda Activa स्कूटर (GA-05-N-1143) गवणे येथून अज्ञाताने चोरली होती. 28 जून रोजी सकाळी दहा ते 29 जून रोजी साडेसात वाजेपर्यंतच्या काळात ही दुचाकी चोरीला गेली होती.

या संदर्भात एफआयआर नोंदवण्यात आला आहे. पोलिसांनी त्यानंतर पाळत ठेऊन दुचाकी चोरट्याला अटक केली. अनिकेत अँथनी परेरा (वय 19) असे चोरट्याचे नाव आहे. तो कुठ्ठाळी येथील रहिवासी आहे.

त्याच्याकडे चौकशी केल्यावर आणखी दोन दुचाकी चोरींच्या घटनांत त्याचा सहभाग असल्याचे समोर आले. त्याने स्वतः याची कबुली दिली आहे. त्यामुळे एकूण तीनही दुचाकी पोलिसांनी जप्त केल्या आहेत. यातील एक स्पेंडर मोटरसायकल आणि एख डीओ स्कूटर आहे.

फोंड्यातील पोसिस निरीक्षक तुषार लोटलीकर, हेड कॉन्स्टेबल केदारनाथ जलमी, देविदास पर्येकर, पोलिस कॉन्स्टेबल आदित्य नाईक, अमेय गोसावी या पथकाने चोरट्याला अटक केली. तसेच सुमारे दोन लाख रूपये किंमतीच्या चोरीला गेलेल्या तीन दुचाकी त्यांनी हस्तगत केल्या.

संशयित आरोपीला कोर्टासमोर सादर करण्यात आले. कोर्टाने त्याला तीन दिवसांची पोलिस कोठडी सुनावली आहे. पोलिस अधीक्षक अभिषेक धनिया, एसडीपीओ आशिष शिरोडकर, पोलिस निरीक्षक तुषार लोटलीकर यांच्या देखरेखीखाली पुढील तपास सुरू आहे.