Opa Junction Accident Goa: गोव्यातील ओपा जंक्शन येथे बुधवारी दुपारी विचित्र अपघात झाला. येथील रस्त्यात वळणावर दोन कंटेनर ट्रक एकमेकांना धडकले. यावेळी कंटेनर शेजारून चाललेल्या दुचाकी मोपेडला कंटेनरची धडक बसली. सुदैवाने या अपघातात कुणीही मृत वा जखमी झालेले नाही, असे कळते.

तथापि, या अपघातात दुचाकी कंटेनरच्या खाली आली, त्यामुळे दुचाकीचे नुकसान झालेले आहे. दुचाकीस्वाराने प्रसंगावधान राखून दुचाकीवरून बाजूला झाल्याने जीवीतहानी टळली. तसेच कंटेनर ट्रकच्याही पुढील भागाचे मोठे नुकसान झाले आहे.