IRB पोलीस कॉन्स्टेबल हेरंब वेलिंगकर (वय 30) आणि त्यांचा भाऊ अनुप वेलिंगकर (वय 29) यांनी गोवा सिव्हिल सर्व्हिसचे वरिष्ठ अधिकारी अजय गावडे यांना मारहाण केल्याची घटना बुधवारी रात्री घडली.

अजय गावडे हे त्यांची ड्युटी बजावत असताना या दोन्ही भावांनी वेलिंग जंक्शन,म्हार्दोळ येथे गावडे यांना रोखून मारहाण केली. तसेच त्यांनी गावडे यांना अर्वाच्य भाषेत शिवीगाळ केल्याची माहिती प्राप्त झाली आहे.

तर हेरंब वेलिंगकर आणि अनुप वेलिंगकर हे दोघेही मद्यधुंद अवस्थेत असल्याची नागरी सेवा अधिकारी अजय गावडे यांनी माहिती दिली. त्या दोघांनाही गैरवर्तणूक केल्याप्रकरणी अटक करण्यात आली असून या घटनेचा पुढील तपास सुरू आहे.