काणकोण : गोव्यात अपघातांचं सत्र काही थांबताना दिसत नाही. शुक्रवारी गोव्यात ठिकठिकाणी झालेल्या अपघातांनंतर आता काणकोणमध्येही ट्रकचा अपघाच झाला आहे. वास्कोहून कर्नाटकला जाणारा खनिजवाहू ट्रक गालजीबाग येथे रेलिंग तोडून पलटी झाला. (Truck Accident in Canacona News Updates)

वास्कोहून हॉस्पेट कर्नाटक (Karnataka) येथे जाणारा खनिजवाहू ट्रक गालजीबाग येथे मनोहर पर्रीकर बगल मार्गाचे रेलिंग तोडून पलटी झाला. हा अपघात शुक्रवारी मध्यरात्रीच्या सुमारास घडल्याची माहिती आहे.अपघातग्रस्त KA 37 B 3942 या ट्रकने महामार्गाचे सुमारे पन्नास मीटर रेलिंग तोडून तो रस्त्याच्या खाली पलटी झाला. या अपघातात (Accident) ट्रक चालक आणि क्लिनर जखमी झाला आहे.

दरम्यान हा अपघात झाला त्याच्या काही मीटर अंतरावरच एक घर आहे. त्यामुळे हा अपघात घराजवळ झाला असता तर मोठा अनर्थ झाला असता. असं असलं तरीही गोव्यात (Goa) वाढलेल्या रस्ते अपघातांमुळे प्रशासनाची डोकेदुखी मात्र वाढली आहे. काल शुक्रवारी एकाच दिवसात गोव्यात ठिकठिकाणी अपघात झाले, यात जवळपास 7-8 जण जखमी झाले आहेत.