Brother kills brother in Goa

वास्को: होळीच्या सणादिवशी एक धक्कादायक घटना समोर आली आहे. लहान भावाने मोठ्या भावाचा खून केल्याची घटना जीआरबी कॉलनी सडा, वास्को येथे घडली आहे. दुचाकीवरुन झालेल्या वादातून ही हत्या झाल्याची प्राथमिक माहिती समोर आली आहे.

श्रीकांत घिवारी (वय ५०) असे खून झालेल्या व्यक्तीचे नाव असून, त्याचा भाऊ मल्लिकार्जुन घिवारी (वय ४५) याने त्याच्यावर चाकूने हल्ला केल्याची माहिती मिळतेय. परवानगी न घेता दुचाकी घेऊन गेल्याने दोघांमध्ये वाद झाला यातच लहान भावाने मोठ्या भावावर चाकूने वार केले, यातच त्याचा मृत्यू झाल्याची माहिती आहे. दरम्यान, पोलिस घटनास्थळी दाखल झाले असून, अधिक तपास सुरु आहे.