Traffic Jam near Miramar Circle  Dainik Gomantak
गोवा

मिरामार सर्कलजवळ वाहतूक कोंडी नित्‍याची

टॅक्‍सी-प्रवासी बसची टक्‍कर : वाहतूक पोलिसही हतबल

दैनिक गोमन्तक

पणजी : मिरामार सर्कल परिसरात सध्या स्‍मार्ट सिटी पणजी अंतर्गत सुशोभीकरणाचे आणि नूतनीकरणाचे काम सुरू आहे. यामुळे मिरामार सर्कल ते सायन्‍स सेंटरपर्यंतचा रस्‍ता अरुंद झाला आहे. या ठिकाणी शारदा विद्यामंदिर ही शाळा आहे. ही शाळा भरण्याच्‍या आणि सुटण्याच्‍या वेळी सर्कल परिसरात मोठ्या प्रमाणात वाहतूक कोंडी होते.

या ठिकाणी एकूण पाच रस्‍ते एकत्र येतात. तसेच सर्कल ते सायन्‍स सेंटरपर्यंत रस्‍त्‍याच्‍याकडेला अनेक चारचाकी वाहने उभी केलेली असतात. शाळा सुटताना आणि भरताना सर्कल ते सायन्‍स सेंटरपर्यंत मोठ्या प्रमाणात वाहतूक कोंडी होते. अनेक पालक शाळेसमोरच चारचाकी वाहने उभी करत असल्‍याने संपूर्ण रस्‍ता वाहनांनी भरतो. यामुळे बऱ्याचदा किरकोळ अपघातही होतात. आज दुपारी दीडच्‍या सुमारासही वाहतूक कोंडीतून मार्ग काढताना साळगावकर महाविद्यालयाकडून येणाऱ्या टॅक्‍सी आणि पणजीकडून येणाऱ्या प्रवासी बसमध्ये टक्‍कर झाली. यात टॅक्‍सीच्‍या पुढील भागाचे नुकसान झाले. सामोपचाराने हे प्रकरण मिटविण्यात आले.

दरम्‍यान, या परिसरात पोलिसांसह वाहतूक पोलिसही असतात. मात्र प्रचंड वाहतूक कोंडीसमोर ते हतबल होतात. रस्‍त्‍यात लावलेली वाहने दूर करणे पोलिसांनाही शक्‍य होत नाही. वाहतूक कोंडीचा त्रास दुचाकीस्‍वारांसह पादचाऱ्यांनाही होतो. चालत किंवा दुचाकीने येणाऱ्या विद्यार्थी आणि पालकांना मनस्‍ताप सहन करावा लागतो. यातच स्‍मार्ट सिटी पणजीचे काम सुरू असल्‍याने यात अधिकच भर पडत आहे. संबंधित खात्याने यावर तातडीने तोडगा काढून किमान येथील शाळा भरतेवळी आणि सुटतेवेळी तरी उपाययोजना करावी, अशी मागणी पालिकांतून होत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मनोज परबांच्या कार्यकर्त्यावर मंत्री नीलकंठ हळर्णकर धावून गेले; कोलवाळमध्ये आरजी आणि भाजप समर्थक आमने-सामने Watch Video

Harus Rauf Controversy: रौफला '6-0' आणि 'प्लेन क्रॅश'ची नक्कल भोवली! फायनलआधी 'ICC'नं केली कारवाई, भारताशी पंगा घेणं पडलं भारी

नवरात्र, वाघ, हिंदू आणि अभयारण्य! गोव्यात व्हिडिओवरुन वाद; सामाजिक कार्यकर्त्याला धमकी देणाऱ्या भाजप नेत्यावर अखेर गुन्हा

सा जुझे दी आरियाल पुन्हा चर्चेत; पंचायत समोरील संत जोसेफ यांच्या पुतळ्याची विटंबना करुन चोरी

'पाठीत खंजीर खुपसला पण काँग्रेससोबत एकत्र लढण्यास तयार'; आप नेते पालेकरांचे काँग्रेस नेत्यांना चर्चेचे आवाहन

SCROLL FOR NEXT