गोव्यात येणारे पर्यटक भटकंतीसह मद्य घेत असतात. एका सर्वेक्षणातून समोर आलेल्या माहितीनुसार, गोव्यातील पर्यटक व्हिस्कीपेक्षा बिअर पिण्यास जास्त प्राधान्य देतात.

तसेच, गोव्याचे स्थानिक उत्पादन असलेल्या 'फेनी'कडे (Goan Feni) पर्यटकांनी पाठ फिरवल्याचे देखील समोर आले असून, फार कमी लोक फेनी पिण्यास प्राधान्य देतात असे सर्वेक्षणातून समोर आले आहे.

(Tourists in Goa prefer drinking beer over whiskey)

व्हीएम साळगावकर इन्स्टिट्यूट ऑफ इंटरनॅशनल हॉस्पिटॅलिटी एज्युकेशन आणि गोवा विद्यापीठाशी संलग्न असलेल्या एडगर डिसोझा यांनी 'अल्को-टुरिझम' (Alco-Tourism) या विषयावर अभ्यास केला आहे. पर्यटकांनी बिअर पिण्यास सर्वाधिक पसंती दिली आहे. 29 टक्के पर्यटकांनी बिअर तर, 23 टक्के पर्यटकांनी व्हिस्की पिण्यास प्राधान्य दिले आहे.

तसेच, 28 टक्के लोकांनी रेस्टॉरंट्स, 19 टक्के लोकांनी पब किंवा टॅव्हर तर, 17 टक्के लोकांनी बीच शॅकला पसंतीचे ठिकाण म्हणून निवडले आहे. असेही या सर्वेक्षणात म्हटले आहे.

दरम्यान, गोव्याचे देशी अल्कोहोलिक पेय असलेल्या फेनीला (काजू किंवा नारळ) पर्यटकांनी फारसे पसंत केले नाही. केवळ दोन टक्के पर्यटकांनी फेनीला पसंती दिली आहे. याशिवाय वाइन (11%), वोडका (10%) आणि रम (9%) लोकांनी पसंत केली आहे.

पुरुष आणि महिला या प्रमाणात पुरुष पर्यटकांमध्ये व्हिस्की (37.9%), त्यानंतर बिअर (29.1%) आणि रम (9.4%), तर महिला पर्यटकांनी बिअर (28.6%), वाइन (20.4%) आणि जिन (13.8%) पिण्यास प्राधान्य दिले. असे या सर्वेक्षणातून समोर आले आहे.