पणजी : अॅलेक्स रेजिनाल्ड लॉरेन्स यांनी ऐन विधानसभा निवडणुकीच्या तोंडावर तृणमूल काँग्रेसचा राजीमाना दिला आहे. यामुळे तृणमूल काँग्रेसला कुडतरी मतदारसंघात मोठा फटका बसण्याची चिन्हं आहेत. रेजिनाल्ड यांच्या राजीनाम्याने तृणमूल काँग्रेसला चांगलाच धक्का बसला आहे. गोव्यात सध्या राजकारण चांगलंच तापलं आहे. (Goa Election Updates: Aleixo Reginaldo Lourenco resigns)

अॅलेक्स रेजिनाल्ड (Alex Reginald Lawrence) यांनी तृणमूल काँग्रेसच्या सर्वेसर्वा ममता बॅनर्जी यांना आपला राजीनामा पाठवला आहे. आता तृणमूलकडून यावर अधिकृतपणे प्रतिक्रिया मिळाली आहे. रेजिनाल्ड यांनी तृणमूलचा राजीनामा दिला आहे. त्यांना आमच्या शुभेच्छा, अशा शब्दात तृणमूल काँग्रेसच्या गोवा प्रभारी महुआ मोईत्रा यांनी प्रतिक्रिया दिली आहे.

दरम्यान रेजिनाल्ड तृणमूल सोडल्यानंतर ते काँग्रेसमध्ये (Congress) दाखल होण्याची शक्यता आहे. तसे स्पष्ट संकेतच रेजिनाल्ड यांनी दिले आहेत. रेजिनाल्ड काँग्रेसमध्ये पुन्हा दाखल झाल्यास काँग्रेस दक्षिण गोव्यात आणखी बळकट होण्यास मदतच होणार आहे. सध्या गोव्यातील राजकारण नेत्यांचे राजीनामे आणि जागावाटपावरुन तापत असल्याचं चित्र आहे. त्यातच अनेक नेत्यांनी ज्या उत्साहाने तृणमूल काँग्रेसमध्ये (TMC) दाखल झाले होते, त्याच वेगाने बाहेर पडताना दिसत आहे.