Goa Panchyat Byelection : राज्यातील तीन पंचायतींच्या प्रत्येकी एका प्रभागासाठी आज पोटनिवडणूक होत आहे. तिसवाडी तालुक्यातील सांत इस्तेव्ह (St. Estevam), पेडणे तालुक्यातील पार्से (Parcem) आणि सासष्टी तालुक्यातील धर्मापूर (Dramapur) या पंचायतींसाठी ही पोटनिवडणूक होत आहे.

दरम्यान, या तीन्ही पंचायतींच्या पोटनिवडणुकीसाठी सकाळपासून मतदान सुरू आहे. सकाळी 8 ते दुपारी 2 वाजेपर्यंतची मतदानाची आकडेवारी समोर आली आहे.

तीन पंचायतींमध्ये सकाळी 8 ते दुपारी 2 वाजेपर्यंत पार्से पंचायतीच्या प्रभाग क्रमांक 7 मध्ये 67.62 टक्के मतदान झाले तर सांत इस्तेव्ह पंचायतीच्या प्रभाग क्रमांक 5 मध्ये 50 टक्के आणि धर्मापूर पंचायतीच्या प्रभाग क्रमांक 2 मध्ये 41.44 टक्के मतदान झाले आहे.

तीन्ही पंचायतींची मतमोजणी उद्या 3 जूलैला होणार आहे. मतमोजणी दिवशी मतदान केंद्राच्या 200 मीटर परिसरातील सर्व रेस्टॉरंट, बार, हॉटेल, खाद्यपदार्थांची अन्य दुकाने आदी मतमोजणी संपेपर्यंत बंद राहणार आहेत.

पार्से पंचायतीच्या सदर प्रभागात एकूण 593 मतदार, सांत इस्तेव्ह पंचायतीच्या सदर प्रभागात 502 मतदार, धर्मापूर पंचायतीच्या सदर प्रभागात 596 मतदार मतदानाचा हक्क बजावत आहेत.