गोव्यातील महत्वाच्या ठिकाणांची व नैसर्गिक संपत्तीची माहिती देशभर पोहचविणे अत्यंत महत्वाचे असून ‘गोवा सैमिक दायज यात्रा’ अंतर्गत आपण गोव्यातील वेगवेगळ्या भागांना भेट देत असून तेथील महत्वाची माहिती संकलित करत आहोत.

ही महत्वाची माहिती पाच पुस्तकांतून राजभवनतर्फे प्रकाशित केली जाईल. पर्यटनाच्या दृष्टिनेही ही पुस्तके अत्यंत मौल्यवान ठरतील, असेही राज्यपाल पी.एस. श्रीधरन पिल्लई यांनी सांगितले. राज्यपाल पिल्लई यांनी मडगावात होली स्पिरिट चर्चला भेट दिली व परिसरातील पुरातन व वैद्यकीय महत्व असलेल्या वृक्षांची पाहणी केली. त्यावेळी ते पत्रकारांशी बोलत होते.

ते म्हणाले, की आपण गोव्यातील बेटांनाही भेटी देणार आहे.मडगाव भेटीनंतर त्यांनी फातोर्डा येथील श्री दामोदर लिंगावर जाऊन श्रींचे दर्शन घेतले. त्यांच्यासोबत फातोर्डाचे आमदार विजय सरदेसाई, चर्चेचे फादर व इतर पदाधिकारी सुद्धा उपस्थित होते.