केंद्रीय जलशक्ती मंत्री गजेंद्र सिंह शेखावत यांनी शुक्रवारी देलेल्या माहितीनुसार, 2020 साठी जलसंधारण (Water Conservation) प्रयत्नांमध्ये उत्तर प्रदेशने (Uttar Pradesh) सर्वोत्तम राज्य म्हणून स्थान मिळवले आहे. जलसंधारणासाठी केलेल्या कामासाठी राजस्थानला (Rajasthan) द्वितीय आणि तामिळनाडूला (Tamil Nadu) तृतीय क्रमांकाचा पुरस्कार मिळाला. (Water Conservation News)

शेखावत म्हणाले की, देशाला कृषी, सिंचन, औद्योगिक आणि घरगुती गरजा भागवण्यासाठी दरवर्षी 1,000 अब्ज घनमीटर पाण्याची गरज आहे. पाण्याचा (Water) वापर वाढत असला तरी त्याची उपलब्धता कमी होत आहे. पावसाचे स्वरूप बदलत आहे. 2050 पर्यंत पाण्याची मागणी 1,000 अब्ज घनमीटरवरून 1400-1500 अब्ज घनमीटरपर्यंत वाढेल. त्यामुळे सकारात्मक दृष्टीकोन अंगीकारून प्रभावी पावले उचलून आपण एकत्र पुढे जायला हवे.

मुझफ्फरनगरला उत्तर विभागातील सर्वोत्तम जिल्ह्याचा पुरस्कार
उत्तर प्रदेशातील मुझफ्फरनगरला उत्तरेकडील सर्वोत्कृष्ट जिल्ह्याचा पुरस्कार मिळाला, तर पंजाबमधील शहीद भगतसिंग नगरला द्वितीय पुरस्कार मिळाला. दक्षिणेत, केरळमधील (Kerala) तिरुअनंतपुरमला सर्वोत्कृष्ट जिल्ह्याचा पुरस्कार देण्यात आला.