विधानसभा निवडणुकीला आता अवघे काही तास शिल्लक राहिले आहेत. गेल्या काही दिवसात प्रमुख राजकीय पक्षांचे केंद्रातील नेते गोव्यात प्रचारासाठी दाखल झाले आहेत. त्यांनी दारोदारी जाऊन आपल्या उमेदवारांसाठी प्रचार केला. प्रचार भाषणामध्ये नेत्यांनी आपल्या विरोधकांवर सणसणीत टीका-टिप्पणी देखील केली. यासगळ्यात चर्चेचा विषय ठरले ते मुख्यमंत्री प्रमोद सावंत. (Pramod Sawant) त्यांनी आज दैनिक गोमंन्तकशी दिलखुलास गप्पा मारल्या. यावेळी त्यांना काही प्रश्न विचारण्यात आले. त्यांची त्यांनी उत्तरे दिली.

मुख्यमंत्र्यांनी चर्चबाबत (Church) केलेले विधान काही कालावधीपूर्वी खूप चर्चेत होतं. त्यावर त्यांना विचारले असता प्रमोद सावंत म्हणाले की, चर्च बद्दल मी काही चुकीचं बोललो नव्हतो, तेव्हा चर्च पाडण्याची माझी भावना नव्हती. आणि इथून पुढेही नसेल माझं विधान असं होतं की ज्या ठिकाणी मंदिर, चर्च पडले आहेत. तसेच जिथे काहीच नाही अशा ठिकाणी नवीन मंदिर (Temple) बांधायला काहीच हरकत नाही. पण यामुळे माझ्या कुणाच्याही भावना दुखावण्याची इच्छा नव्हती. काही पत्रकारांनी माझ्या विधानाचा विपर्यास करून हा मुद्दा चर्चेत आणला. त्यामुळे मी त्या वेळीही हेच सांगितलं होतं आणि आताही मी हेच सांगत आहे की मी चर्चबाबत कोणतचं चुकीचं विधान केलं नव्हतं.