केपे: कुडचडे येथे गोळी झाडून केलेल्या खून प्रकरणाला नऊ दिवस उलटून गेले, मात्र पोलिसांच्या हाती अद्याप काहीच धागेदोरे लागलेले नाहीत. १ सप्टेंबर रोजी हा प्रकार घडला. पहाटेच्या वेळी होडीतून रेती घेऊन येत असताना कुणी अज्ञाताने केलेल्या गोळीबारात झारखंड येथील कामगार ठार, तर अन्य एक कामगार जखमी झाला होता.

(There are no threads in shooting murder case)

सध्या चौकशीच्या नावाखाली फक्त धरपकड सुरू आहे. पोलिसांच्या या कृतीमुळे कुडचडेत दहशत निर्माण झाली आहे. अवैध रेती व्यवसायात व रेतीवाहतूक करणाऱ्या बऱ्याच जणांना पोलिसांनी आपल्या ताब्यात घेऊन तपास काम सुरू केल्याने कुडचडे व सावर्डेतील अनेकजण तणावाखाली आले आहेत.