Theater Workshop :

सासष्टी, प्रसिद्ध नाट्यकर्मी, शिक्षण तज्ज्ञ स्व. भिकू पै आंगले यांचे हे जन्मशताब्दी वर्ष असून यानिमित्त स्व. भिकू पै आंगले शताब्दी समितीने यंदा अनेक कार्यक्रमांचे आयोजन केले आहे. मोफत थिएटर कार्यशाळा हा त्यातील एक महत्त्वाचा उपक्रम आहे.

मोफत थिएटर कार्यशाळा १ मे ते १० मे दरम्यान मडगावातील आबाद फारिया रोडवरील, श्री राम मंदिरासमोरील त्यांच्या लक्ष्मी निवासात आयोजित करण्यात आली आहे. १ मे रोजी सकाळी ९ ते १२, तर उर्वरीत २, ३, ४, ५, ९ व १० मे असे सहा दिवस दुपारी २.३० ते ५ या वेळेत घेतली जाईल.

या कार्यशाळेत ८ वर्षांवरील केवळ १५ प्रशिक्षणार्थींना प्रवेश दिला जाईल.

या कार्यशाळेत प्रसिद्ध कला सादरीकरणातील व थिएटरचे मार्गदर्शक अवधूत सहकारी हे मार्गदर्शन करणार आहेत. या कार्यशाळेत थिएटरचे मूलभूत तंत्र, थिएटर खेळ, सुधारणा, कहाणी, कथा सांगणे व त्यातील नियम या विषयांमध्ये प्रशिक्षण दिले जाईल.

आज मडगावात घेतलेल्या पत्रकार परिषदेत हेमंत पै आंगले यांनी ही माहिती देण्यात आली. यावेळी महेश पै काणे, अवधूत सहकारी व नागनाथ शानभाग उपस्थित होते.

थिएटर आर्ट हा महत्त्वाचा विषय असून त्यातून व्यक्तिमत्त्व विकास होत असतो. सार्वजनिक ठिकाणी आपले मत निर्भिडपणे मांडण्याचा आत्मविश्वास निर्माण होतो, असे अवधूत सहकारी यांनी यावेळी सांगितले. अधिक माहिती व प्रवेशासाठी इच्छुकांनी हेमंत पै आंगले यांच्याशी संपर्क साधावा, असे आवाहन करण्यात आले आहे.