कुडचडे येथे फूडकोर्टचे उद्‌घाटन होऊन बरेच महिने उलटले तरी ऑम्लेट व भेळपुरी गाडेधारकांना अद्याप या फूडकोर्टमध्ये स्थलांतरित करण्यात आलेले नव्हते.

साडेपाच कोटी रुपये खर्च करून उभारण्यात आलेल्या या प्रकल्पात गाडेधारकांना कधी सामावून घेणार? असा सवाल उपस्‍थित करण्‍यात येत होता.

मात्र आता हा तिढा सुटण्याच्या मार्गावर आहे. पुन्‍हा एकदा आज नगरपरिषदेने याची फेरनिविदा केली असून प्रत्‍येक स्‍टॉलची किंमत 5 हजार केली आहे.

कुडचडेत दरवर्षी विक्री प्रदर्शन व्हावे की नाही यावर वारंवार मतभेद होते, या प्रश्र्नावर दरवर्षी कुडचडेत दोनदा विक्री प्रदर्शन होणार असा ठराव कुडचडे पलिकेत एकमताने मंजूर करण्यात आल्‍याचे सांगण्‍यात आले.

‘फूड कोर्ट’, नगरपालिकेच्‍या नवीन इमारतीतील दुकानांच्‍या फेरनिविदेचा विचार तसेच कुडचडे काकोडा नगरपालिकेचे मुख्‍य अधिकारी यांना जी 20 साठी अतिरिक्‍त ड्यूटीच्‍या प्रश्‍‍नावरही चर्चा करण्‍यात आली.

कुडचडे-काकोडा नगरपालिकांच्‍या सर्वसाधारण बैठकीत उपस्‍थित स्‍थानिक आमदार तसेच सार्वजनिक बांधकाममंत्री नीलेश काब्राल म्‍हणाले, की कुडचडेत ‘फूड कोर्टचा’ विषय मुख्‍य आहे.

‘फूड कोर्ट स्‍टॉल’साठी सहा हजार अशी प्रत्‍येक स्‍टॉलसाठी निविदा ठेवली होती. पुन्‍हा एकदा आज नगरपरिषदेने याची फेरनिविदा केली असून प्रत्‍येक स्‍टॉलची किंमत 5 हजार केली आहे.