Goa Politics: नवे मंत्री आलेक्स सिक्वेरा यांच्याकडे पर्यावरण तसेच कायदा व न्याय ही खाती सोपवण्यात येणार आहेत. माजी मंत्री नीलेश काब्राल यांच्याकडे असलेली विधिमंडळ कामकाज व सार्वजनिक बांधकाम ही खाती मुख्यमंत्री डॉ. प्रमोद सावंत हे आपल्याकडेच ठेवणार आहेत.

सिक्वेरा यांच्याकडे तिसरे खाते सोपवण्यात येणार आहे. मात्र, त्याविषयीचा निर्णय अद्याप झालेला नाही. सिक्वेरा यांना खातेवाटप केल्याची अधिसूचना उद्या (बुधवारी) जारी करण्यात येणार आहे.

सिक्वेरा हे गुरुवारी मंत्रालयात पहिल्या मजल्यावरील कार्यालयाचा ताबा घेणार आहेत. बुधवारी सायंकाळपासून त्या कार्यालयाचे सुशोभीकरण करणे सुरू केले जाणार आहे. अद्याप सिक्वेरा यांनी आपल्या व्यक्तिगत कर्मचाऱ्यांची यादी सर्वसाधारण

सिक्वेरांना पर्यावरण, कायदा व न्याय

प्रशासन खात्याकडे त्यांच्या नियुक्तीसाठी सोपवलेली नाही. त्यांना एक विशेष कार्य अधिकारी, एक व्यक्तिगत सचिव, दोन व्यक्तिगत साहाय्यक, दोन कार्यालयीन साहाय्यक असे कर्मचारी नेमता येणार आहेत.

खाजन जमीन ठरणार त्रासदायक

विशेष म्हणजे, पर्यावरणविषयक कायद्याची कलमे सिक्वेरा यांना मुखोद्‍गत आहेत. त्यांच्याकडे पर्यावरण खाते सोपवण्यात येणार असल्याने नव्या बोरी पुलासाठी खाजन जमीन संपादनाचा मुद्दा गोवा किनारी क्षेत्र व्यवस्थापन प्राधिकऱणाच्या माध्यमातून त्यांनाच हाताळावा लागणार आहे. ते त्यांच्यासाठी कटकटीचे ठरू शकते.