High Court Notice To GCZMA On Goa Shack: उच्च न्यायालयाने सोमवारी हणजूण येथील एका गोमंतकीयाने स्वतःच्या मालकीचा शॅक दुसऱ्याला करारावर चालवायला दिल्याबद्दल चांगलेच फटकारले. न्यायालयाने ‘जीसीझेडएमए’ला या शॅक मालकाला सर्व परवाने रद्द का करू नयेत, अशी विचारणा करणारी ‘कारणे दाखवा’ नोटीस बजावण्याचा आदेश दिला आहे. मागील काही वर्षात तो स्वतः शॅकच्या व्यवसायात असूनही शॅक करारावर बिगर गोमंतकीयास किंवा इतरांना चालवायला देण्याची प्रथा रूढ झाल्याचे दिसून येते. असेच हणजुण येथील एक सोमवारी गोवा (Goa) खंडपीठातसमोर सुनावणीसाठी आले.
सुनावणीवेळी जेव्हा सदर शॅक स्वतःच्या मालकीचा असूनही त्याने दुसऱ्याला नियोजन करारावर चालवायला दिल्याचे उघडकीस आले, तेव्हा न्यायालयाने हा प्रकार चुकीचा असून असल्या गोष्टींना थारा देता येणार नाही, असे सुनावले. यावेळी, एजी देविदास पांगम यांनी स्वतःच्या मालकीचा शॅक दुसऱ्याला करारावर देता येत नसून, असे करणे अवैध असल्याचे न्यायालयाच्या निदर्शनात आणून दिले. शॅक मालकाची बाजू मांडणाऱ्या वकिलाने संबंधित खात्यांकडून आणि एजन्सीकडून शॅक उभारणीसाठी परवाने मिळवल्याचे सांगितले.
न्यायालयाने हा युक्तिवाद ऐकून, सर्व परवाने असूनही शॅक दुसऱ्या ला देणे, हे चुकीचे असल्याचे सांगत ‘जीसीझेडएमए’ला या शॅक मालकाला हे सर्व परवाने का रद्द करू नये, अशी नोटीस बजावण्याचा आदेश दिला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.