गोव्यात गुन्हेगारीत दिवसेंदिवस वाढच होताना दिसत आहे. यामध्ये प्रामुख्याने समावेश आहे तो घरगुती हिंसाचाराचा आणि त्यातून घडणाऱ्या गुन्ह्यांचा.

आंबावली केपे येथील एका घरात भावाभावांमध्ये वाद झाल्याची माहिती समोर आली आहे. या वादात मिल्टन परेरा याने आपल्या भावाच्या डोक्यावर लाडकी दांडा मारून त्याला जखमी केले आहे. या प्रकरणी केपे पोलिसांनी त्याच्यावर गुन्हा नोंद केला आहे. (Latest Goa Crime News Updates)

गेल्या निवडणुकीत या दोन्ही भावांपैकी एक भाऊ भाजपमध्ये तर दुसरा काँग्रेस समर्थक होता. त्यामुळे आता या प्रकरणाला राजकीय वळणही लागले आहे. आणि म्हणूनच त्यांच्यातील वाद खूप वाढले होते. दोन्ही भावांपैकी मिल्टन हा काँग्रेस समर्थक आहे.

पोलिसांकडून मिळालेल्या माहितीनुसार, परेरा कुटुंबात भावांमध्ये जमिनीवरून वाद सुरू होता. यावरून त्यांच्यात आधीपासूनच वाद सुरू असायचे. शुल्लक कारणावरून सुरू झालेल्या वादात मिल्टन याने शिवीगाळ करत आपल्याच भावाच्या डोक्यावर लाकडी दांडा मारून त्याला जखमी केले. याबाबत केपे पोलिसांत तक्रार दाखल करण्यात आली आहे.