मडगाव : भाजप सरकारने स्वताच्या आयटी सेलच्या कर्मचाऱ्याला आणि नेत्यांच्या नातेवाईकांना नोकऱ्या दिल्याचा पर्दाफाश करत गोवा फॉरवर्ड पक्षाने मुख्यमंत्री प्रमोद सावंत (Chief Minister Pramod Sawant) आणि सार्वजनिक बांधकाम मंत्री दीपक पाऊसकर (Deepak Pauskar) यांनी नोकरी घोटाळ्याची जबाबदारी स्वीकारून राजीनामा द्यावा, अशी मागणी केली आहे. गोवा फॉरवर्ड पक्षाच्या (Goa Forward Party) पर्यावरण विभागाचे निमंत्रक विकास भगत यांनी सोमवारी मडगाव येथे पत्रकार परिषदेत बोलताना सांगितले की, भाजपने (Bjp) बॅनर लावण्यासाठी गरीब कार्यकर्त्यांचा वापर केला आणि श्रीमंत नेत्यांच्या नातेवाईकांना नोकऱ्या दिल्या.

“आम्ही सार्वजनिक बांधकाम खात्यामध्ये नोकऱ्यांसाठी निवडलेल्यांची छाननी केली आहे. एक विशब विनोद धोंड, ज्यांचे शैक्षणिक निकाल खराब आहेत, त्यांची कनिश्ट अभियंता पदासाठी निवड झाली आहे. भाजपच्या आयटी विभागाचा कर्मचारी अपर्णा गावस देसाई यांची टीए पदासाठी निवड झाली आहे. भाजपचा कोणता नेता पहिल्या उमेदवाराचा नातेवाईक आहे हे सर्वांना माहीत आहे.” असे भगत म्हणाले.

भगत म्हणाले की, त्यांनी या उमेदवारांचे महाविद्यालयीन रेकॉर्ड तपासले असून त्यांना शैक्षणिक गुण कमी मिळाल्याचे आढळून आले आहे. "परीक्षेत फेरफार करून त्यांना निवडलेल्या यादीत स्थान मिळाले आहे." असे तो म्हणाला. त्यांनी सार्वजनिक बांधकाम मंत्री पाऊसकर यांना आव्हान देताना त्यांनी जागृत देवस्थान दुधसागर आजोबा पुढे येवून आरोप फेटाळण्याचे धाडस केले पाहिजे असे म्हटले. ‘ त्यांनी नोकरीसाठी पैसे घेतले नाहीत हे तिथे सांगावे. जर त्याने तसे केले तर मी राजकारण सोडेन." असे भगत म्हणाले.

उपमुख्यमंत्री चंद्रकांत कवळेकर (Chandrakant Kavlekar) हे नोकऱ्या विकल्या गेल्याचे एका ऑडिओ टेपमध्ये सांगत असल्याचे स्पष्ट कळत असल्याचे ते म्हणाले. ‘त्यांना त्यांच्या खात्यातून इतर मंत्र्यांना नोकऱ्या द्याव्या लागतात असे ते ह्या ऑडियो क्लिप मध्ये म्हणतात. ‘ही ऑडिओ क्लिप आम्ही पंतप्रधान नरेंद्र मोदी यांना पाठवू.’ असे भगत म्हणाले. मुख्यमंत्रीही नोकऱ्यांसाठी लाच घेत असल्याचा आरोप त्यांनी केला.