Temperature to rise in Goa

गोव्यात येत्या दोन दिवसांत तापमानाचा पारा चढणार असून, गोमन्तकीयांना उन्हाचा चटका जाणवण्याची शक्यता आहे. राज्याच्या आग्नेय भागातील बदललेल्या हवामानामुळे तापमानात वाढ होणार आहे. तापमानात दोन ते चार अंशांनी वाढ होईल.

हवामान विभाग आणि आयएमडी गोवा यांच्यानुसार आग्नेय दिशेकडून उष्ण आणि कोरडी हवा आणि उत्तर कर्नाटक ते विदर्भातील हवामान बदलामुळे कमाल तापमान 34-36 डिग्री सेल्सियस असेल.

येत्या 2 दिवसांत दक्षिण आणि उत्तर गोव्यात सामान्य तापमानात 2 ते 4 अंश सेल्सियसने वाढ होईल आणि त्यानंतरच्या दिवसात कमाल तापमानात हळूहळू घसरण होईल. पाच दिवसांत किमान तापमानात फारसा बदल अपेक्षित नाही, असे हवामान खात्याने म्हटले आहे.

राज्यात 16 फेब्रुवारीला कमाल तापमान 35.7 अंश सेल्सिअस (C) होते तर किमान तापमान 22.6 अंश सेल्सिअस नोंदविण्यात आले आहे.