Accident At Pernem Virnoda: तुये येथून येणाऱ्या एका भरधाव कारने विर्नोडा खालचा वाडा येथे एका विजेच्या खांबाला धडक दिल्याने अपघात झाला. या अपघातात सुदैवाने जिवितहानी झाली नाही मात्र, कारच्या प्रथमदर्शनी भागाचे नुकसान झाले.

स्थानिकांनी दिलेल्या माहितीनुसार, तुये येथून येणाऱ्या तेलंगणा पासींग कारने विर्नोडा खालचा वाडा येथे एका वीज खांबाला धडक दिली. या धडकेत विजेचा खांब मोडून खाली पडला.

गुरुवारी सायंकाळी साडे तीन वाजता ही घटना घडली. कारचालक अपघात झाल्यानंतर घटनास्थळावरून पळून गेला. पळून जाताना त्याने अपघातग्रस्त कार लॉक केली.

या धडकेत वीज खात्याचे नुकसान झाले असून कारच्या प्रथमदर्शनी भागाचे नुकसान झाले आहे. या प्रकरणी कारचालकावर कडक कारवाई करावी अशी मागणी स्थानिकांनी पोलिसांकडे केली आहे.