राज्य शिक्षक पुरस्कारप्राप्त विजेत्या शिक्षकांचे मुख्यमंत्री डॉ. प्रमोद सावंत यांनी अभिनंदन केले. हे पुरस्कार गुणवत्तेवर दिले जातात, अनुकूलतेवर नाहीत, असे ते म्हणाले. कोविड काळात ऑनलाईन वर्ग आयोजित करून शिक्षक समुदायाने केलेल्या कामाचे त्यांनी कौतुक केले.

राज्य शिक्षक पुरस्काराने गौरविण्यात आलेल्या शिक्षकांमध्ये सरोजिनी नारायण गावस, सरकारी प्राथमिक शाळा ठाणे-सत्तरी. गणपतराव कुस्तोबाराव राणे सरकारी हायस्कूल, आंबेडे-नगरगाव. डायगो एस. पिंटो सेंट फ्रान्सिस झेवियर हायस्कूल, शिवोली. देविदास विठोबा कोटकर सरकारी हायस्कूल, आंबेडे-नगरगाव. सुभाष बाळकृष्ण जाण श्री अमेय उच्च माध्यमिक विद्यालय, कुर्टी-फोंडा आणि मारियो क्रिस्‍तोफर रुबेन कोस्‍ता उच्च माध्यमिक विद्यालय, राय यांचा समावेश आहे.

डॉ. प्रमोद सावंत, मुख्यमंत्री: बदलीसाठी राजकीय नेत्यांकडे जाता, हे ठीक आहे. मात्र, पुरस्कारांसाठी राजकीय नेत्यांकडे जाऊ नका. ते गुणवत्तेच्या आधारेच दिले जाणार. काही शिक्षक पुरस्‍कारांसाठी राजकीय नेत्यांकडे लॉबिंग करतात व हे वाईट आहे. गुणवत्ता पुरस्कारही राजकीय शिफारशीनुसार दिले गेले तर त्याला कसलाच अर्थ नाही.