पणजी : गोव्यात सुरू असलेल्या गोवा माईल्स या टॅक्सी अ‍ॅपला विरोध करण्यासाठी इतर टॅक्सी मालकांनी आज वाहतूक संचालकांना भेटण्याचा प्रयत्न केला. जुंता हाऊस या इमारतीतील वाहतूक संचालनालयाच्या कार्यालयाबाहेर टॅक्सी मालकांनी मोठी गर्दी केली होती, मात्र वाहतूक संचालक यांनी केवळ पाच जणांच्या शिष्टमंडळाला भेट देण्याची तयारी दाखवली. यामुळे वैतागून टॅक्सी मालक पर्वरी येथील सचिवालयात वाहतूक सचिवांना भेटण्यास निघून गेले.

म्हादईप्रश्नी कर्नाटकाला मोठ धक्का; पण 'पडलो तरी नाक वर'ची भूमिका

पर्वरी येथील सचिवालयात या टॅक्सी मालकांना प्रवेश देण्यास पोलिसांनी नकार दिलेला आहे. यामुळे पर्वरी येथे आता काहीसे तणावाचे वातावरण आहे. वाहतूक सचिवांनी भेटण्यास परवानगी दिल्याशिवाय आपण  टॅक्सी मालकांना सचिवालयात जाण्यासाठी परवानगी देऊ शकत नाही असे पोलिसांनी स्पष्ट केले आहे. सध्या सचिवालयाच्या बाहेर टॅक्सी मालकांचा मोठा जमाव आहे.

गोव्यात गेल्या 24 तासांत 57 नवे कोरोना रूग्ण; कर्नाटक, महाराष्ट्रामुळे चिंता वाढली