पणजी : मोपा आंतरराष्ट्रीय विमानतळ सप्टेंबरमध्ये कार्यान्वित होण्याची अपेक्षा आहे. यामुळे गोव्यात प्रवाशांचा ओघ वाढणार असल्याची शक्यता वर्तवली जात आहे. याचा थेट फायदा गोव्यात पर्यटन व्यवसायात गुंतलेल्या लोकांना होणार आहे. मात्र, टॅक्सी मीटरच्या कथित अंमलबजावणी न झाल्यामुळे हॉटेल मालकांची चिंता वाढली आहे.

टुरिस्ट टॅक्सींना मीटर बसवलेले असले तरी ऑपरेटर प्रवाशांना मीटरच्या दराप्रमाणे बिल देत नसल्याचा आरोप हॉटेल मालकांनी केला आहे आणि त्याचा फटका दक्षिण गोव्यातील हॉटेलांना बसण्याची भीती आहे.

हॉटेल व्यावसायिक फ्रान्सिस्को डी ब्रागांका यांनी सांगितले की, टुरिस्ट टॅक्सी चालक जास्त शुल्क आकारत आहेत. हे थांबवण्यासाठी परिवहन विभागाकडे यंत्रणा नाही. "जर टॅक्सी चालक उत्तर गोवा ते दक्षिण गोवा एकेरी प्रवासासाठी रु. 3,000-4,000 आकारात असतील तर याचा फटका दक्षिण गोव्यातील हॉटेलांना बसण्याची शक्यता आहे," ते म्हणाले.