Vasco : हेडलॅण्ड सडा येथे एका टार मशीनला अचानक आग लागल्याने खळबळ माजली. घटनेची माहिती मिळताच वास्को अग्नीशमन दलाचे जवान घटनास्थळी दाखल होत आगीवर नियंत्रण मिळविले. अद्यापपर्यंत या घटनेत किती वित्तहानी झाली हे कळू शकले नाही.

मिळालेल्या माहितीनुसार आज दुपारी 12 वाजता हेडलॅड सडा येथे ही आगीची घटना घडली. हेडलॅड सडा येथे अल्कॉन मैदानाजवळ एका टार मशीनचे दुरुस्तीचे काम चालू होते. यादरम्यान या मशीनला अचानक आग लागली.

यावेळी मशीनचे काम करणारे कर्मचारी भयभीत झाले व त्यांनी वास्को अग्निशमन दलाला पाचारण केले. वास्को अग्निशमन दलाचे जवान घटनास्थळी दाखल झाले व त्यांनी आग आटोक्यात आणली. सुदैवाने यात कोणतीही जिवीतहानी झाली नाही.