गेल्यावर्षी डिसेंबरच्या अखेरीस हणजूण येथे झालेल्या सनबर्न ईडीएम महोत्सवावेळी झालेल्या ध्वनी प्रदूषणप्रकरणाला जबाबदार असलेल्या अधिकाऱ्यांची माहितीसह अहवाल सादर करण्याचे निर्देश आज गोवा खंडपीठाने मुख्य सचिवांना दिले.

या इव्हेंटच्या आयोजनासाठी केलेल्या अर्ज प्रक्रियेची माहितीही याचिकादारासह प्रदूषण नियंत्रण मंडळ तसेच आयोजकांना सादर करण्यास लावून पुढील सुनावणी 15 मार्चला न्यायालयाने ठेवली आहे.

सनबर्न ईडीएम महोत्सवासाठी दिलेल्या परवानगीपेक्षा मोठ्या आवाजाने संगीत वाजवण्यात आले होते. त्यामुळे तेथील स्थानिकांना झालेल्या त्रासप्रकरणी जनहित याचिका सादर झाली होती. या याचिकेची दखल घेऊन त्यावरील सुनावणी सुरू आहे.

गोवा खंडपीठाने दिलेल्या निर्देशानुसार मुख्य सचिवांनी या प्रकरणाची प्राथमिक चौकशी केलेला अहवाल सादर केला त्याबाबत उच्च न्यायालयाने असमाधान व्यक्त केले. या अहवालात या ध्वनी प्रदूषणाविरोधात कारवाई कऱण्यास यशस्वी ठरलेल्या संबंधित अधिकाऱ्यांच्या माहितीसह तो सादर करण्यात आला.

म्हापशाचे उपजिल्हाधिकारी व म्हापसा उपविभागीय पोलिस अधिकाऱ्यांमधील समन्वयातील चुकांमुळे हे घडले आहे असा निष्कर्ष काढला आहे.