Subhash Velingkar Case Dainik Gomantak
गोवा

Subhash Velingkar: 'गोवा राज्‍य जबाबदारी पाळण्‍यात अपयशी'; वेलिंगकर प्रकरणावरून 'दक्षिणायन'चे आरोप

St Francis Xavier Relics DNA Controversy: वास्‍तविक वेलिंगकर यांचे हे वक्‍तव्‍य द्वेष भडकवण्यासाठीच असल्‍याने राज्‍याने या घटनेची स्‍वत:हून दखल घेत वेलिंगकर यांच्‍या विरोधात त्‍वरित एफआयआर दाखल करून घेण्‍याची गरज होती असे मत दक्षिणायन संघटनेने व्‍यक्‍त केले आहे

गोमन्तक डिजिटल टीम

मडगाव: राष्ट्रीय स्वयंसेवक संघाचे माजी गोवा प्रमुख, सुभाष वेलिंगकर यांचे सेंट फ्रान्सिस झेवियर यांच्या विरोधात केलेले अवमानकारक विधान हे गोव्यातील आत्तापर्यंतच्या सुसंवादी जीवनपद्धतीत जातीय विद्वेष निर्माण करण्याचा जाणीवपूर्वक केलेला प्रयत्न आहे, अशी प्रतिक्रिया दक्षिणायन अभियान संघटनेने केला आहे.

वास्‍तविक वेलिंगकर यांचे हे वक्‍तव्‍य द्वेष भडकवण्यासाठीच असल्‍याने राज्‍याने या घटनेची स्‍वत:हून दखल घेत वेलिंगकर यांच्‍या विरोधात त्‍वरित एफआयआर दाखल करून घेण्‍याची गरज होती, असेही मत व्‍यक्‍त केले आहे.

राष्‍ट्रीय स्‍वयंसेवक संघाचे माजी राज्‍य प्रमुख सुभाष वेलिंगकर यांच्‍या या द्वेषमूलक वक्‍तव्‍याचा आम्‍ही निषेध करतो. त्‍यांनी गोव्यातील सामान्य जनतेची आणि विशेषतः भाविकांची जाहीर माफी मागावी अशी मागणी करतो. सर्वोच्च न्यायालयाच्या निर्देशानुसार गोवा सरकारने दोषीवर कठोर कारवाई करावी, अशी आमची मागणी आहे. मुस्लीम फळ आणि भाजीपाला विक्रेत्यांवर बहिष्कार टाकण्याच्या हिंदुत्व संघटनेच्या आवाहनाचाही दक्षिणायन अभियान निषेध करते, असे मोहनदास लोलयेकर, ॲड. क्लिओफात आल्मेदा कुतिन्‍हो, दामोदर मावजो, प्रशांत नाईक, सत्येंद्र सोनार आणि दत्ता नायक यांनी संयुक्तरीत्या जारी केलेल्‍या पत्रकात म्‍हटले आहे.

प्राथमिक जबाबदारी पाळण्यात अपयश

वास्‍तविक अशा द्वेष पसरविणाऱ्या वक्‍तव्‍याविरोधात राज्‍य सरकारने सुमोटो (स्‍वत:हून) कारवाई करावी अशी सूचना सर्वोच्‍च न्‍यायालयानेही दिली आहे.

सर्व राज्‍यातील पोलिस महासंचालकांना तसे निर्देशही दिले आहेत.

राज्‍याने या बाबतीत स्‍वत:हून एफआयआर दाखल करण्‍याची गरज होती. मात्र, गोवा राज्‍य आपली ही प्राथमिक जबाबदारी पाळण्‍यात अपयशी ठरले.

चर्चची भूमिका महत्त्वाची

हे आंदोलन हाताबाहेर जाऊ नये यासाठी चर्चने जी भूमिका घेतली तीही वाखाणण्‍याजोगी होती. चर्चने लोकांना शांत राहण्‍याचे आवाहन करून रस्‍त्‍यावर येऊ नये असे आवाहन केल्‍यामुळेच लोक रस्‍त्‍यावर येण्‍यापासून परावृत्त झाले. त्‍यामुळे चर्चचे दक्षिणायन अभियानने अभिनंदन केले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT