Sal River: साळ नदीतील गाळ उपसण्यात येणार आहे. या कामामुळे पाणी स्वच्छ राहील. तसेच नदीच्या दोन्ही बाजूला पथपद तयार करण्यात येतील, तसेच बसण्यासाठी बाकांची व्यवस्था, विद्युत रोषणाईही करण्यात येणार आहे, असे जलस्त्रोत मंत्री सुभाष शिरोडकर यांनी सांगितले.

मडगाव येथील मासळी बाजार ते खारेबांध पुलाजवळील साळ नदीच्या पाण्याची गुणवत्ता सुधारण्यात येणार आहे.

त्यासाठी आवश्‍यक प्रणालीसह पाणी साठवण संरचना बांधण्याच्या प्रकल्पाचा शुभारंभ जलस्त्रोत मंत्री सुभाष शिरोडकर यांच्या हस्ते झाला. आमदार आलेक्स सिक्वेरा, आमदार विजय सरदेसाई उपस्थित होते.

वेर्णा येथील तळीचे सुशोभीकरण करण्यात येणार असून घाऊक मासळी मार्केट ते खारेबांदपर्यंतच्या साळनदीच्या दोन्ही बाजूंनी सुशोभीकरणाच्या कामाची सुरुवात करण्यात आली, असेही शिरोडकर यांनी सांगितले.