डिचोली: शहरातील गजबजलेल्या ठिकाणी एका माकडाने एका महिलेचा पाठलाग करून तिच्यावर हल्ला करण्याचा प्रयत्न केला. मात्र, सुदैवाने या माकडाच्या हल्ल्यातून ‘ती’ महिला स्वच्छता कामगार बचावली.
हा प्रकार आज (सोमवारी) सकाळी डिचोली शहरातील छत्रपती शिवाजी मैदानावर घडला. माकडाच्या हल्ल्यातून बचावलेली ही महिला डिचोली पालिकेची स्वच्छता कामगार असल्याचे समजते.
यासंबंधीची माहिती अशी, की आज सकाळी साडे दहा वाजण्याच्या सुमारास एक माकड शहरातील छ.शिवाजी महाराज मैदानावर अवतरले. बराचवेळ हे माकड मैदानाजवळील झाडावरून उड्या मारत होते. तेव्हा मैदानावर दोन महिलांसह पालिकेचे काही स्वच्छता कामगार काम करत होते. अचानक माकडाने खाली उडी मारून महिला कामगारावर हल्ल्याचा प्रयत्न केला. प्रसंगावधान ओळखून अन्य कामगारांनी माकडाला हुसकावून लावले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.