Goa Police: अंध आणि बहिरे असल्याचा बहाणा करून तिघे चोरटे गोव्यातील नागरिक, पर्यटकांचे मोबाईल फोन चोरायचे.

अगदी त्यासाठी त्यांनी स्वतः अंध आणि बहिरे असल्याचे खोटे ओळखपत्र देखील बनवून घेतले होते. पण, अखेर पणजी पोलिसांनी त्यांची ही 'हुशारी' उघडकीस आणली आहे.

या तिन्ही चोरट्यांना पोलिसांनी अटक केली आहे. त्यांच्याकडून एकूण 23 मोबाईल फोन जप्त करण्यात आले आहेत. या फोन्सची एकूण किंमत 7 लाख 50 हजार रूपये इतकी आहे.

या तिघांची टोळी रात्री उशिरा किंवा पहाटेच्या वेळी सावज हेरून चोरी करायची. या तिघांकडे ते दिव्यांग असल्याबाबतचे खोटे ओळखपत्र देखील होते. त्याचा वापर करून ते पर्यटकांची फसवणूक करत होते.

पोलिसांनी या तिघांनीही शिताफिने पकडले. पणजी पोलिस स्टेशनचे पोलिस निरीक्षक निखिल पालयेकर यांच्या नेतृत्वाखालील पथकाने ही कारवाई केली. त्यांच्याकडे विविध गुन्ह्यांबाबत चौकशी केली जाणार आहे.