पणजी: बांबोळी येथील गोवा वैद्यकीय महाविद्यालय (GMC) इस्पितळाच्या बाहेर असलेले गाडे (Stall) आज पहाटेपासून हटविण्यास सुरुवात झाली. सरकारी जमिनीवर (Government Property) हे गाडे बांधले गेल्यामुळे ते हटवावेत अशी नोटीस तिसवाडीच्या उपजिल्हाधिकाऱ्यांनी बजावली होती. (Stalls on government land in front of GMC began to be removed)

हे गाडे पाडले जाऊ नयेत म्हणून या गाडेधारकांनी बुधवारी मुख्यमंत्री डॉ प्रमोद सावंत यांचीही भेट घेतली होती. या गाडेधारकांना पैकी बहुतांश जण हे सातआंद्रे व सांताक्रुझ विधानसभा मतदारसंघातील आहेत. यामुळे या गाडेवाल्यांसोबत मुख्यमंत्र्यांची भेट घेण्यासाठी आमदार फ्रान्सिस सिल्वेरा, आमदार आंतोनिओ फर्नांडिस, जिल्हा पंचायत सदस्य सिद्धेश नाईक, भाजपचे स्थानिक नेते रामराव वाघ, मर्विन गोन्साल्विस हेही गेले होते.

या भेटीनंतर मुख्यमंत्र्यांनी या गाड्यांचे उचित जागी पुनर्वसन करण्यात येईल असे आश्वासन दिल्याचे या शिष्टमंडळातील प्रतिनिधींनी सांगितले होते. हे गाडे हटवण्याची कारवाईत आज सकाळी लवकर करण्यात आली. यापैकी बहुतांश गाडे त्यावेळी बंद होते. कोणताही अनुचित प्रकार घडू नये यासाठी मोठा पोलिस बंदोबस्त यावेळी ठेवण्यात आला होता.