मडगाव: होळीनिमित्त रविवारी आणि सोमवारी खास रेल्वे धावणार आहेत. मडगाव ते ठोकूर, ठोकूर ते पनवेल व पनवेल ते मडगाव दरम्यान तीन रेल्वे धावणार आहेत.

रेल्वेगाड्यांचे वेळापत्रक
गाडी क्रमांक- 01107 रविवारी (दि. 20 मार्च) मडगावहून पहाटे 5:10 वाजता सुटून त्याच दिवशी 11:30 वाजता ठोकूर येथे पोहोचेल. ही गाडी काणकोण (Canacona), कारवार, अंकोला, गोकर्ण रोड, कुमठा, होन्नावर, मुरडेश्वर, भटकल, मुकांबिका रोड, बैंदूर, कुंदापूर, बरकूर, उडुपी, मुल्की व सुरतकल येथे थांबेल.

गाडी क्रमांक- 01110 ही रविवारीच (दि. 20 मार्च) ठोकूरहून दुपारी 3:30 वाजता सुटून, पुढील दिवशी सकाळी 06:14 वाजता पनवेलला पोहोचणार आहे. ही रेल्वे (Railway) सुरतकल, मुल्की, उडुपी, बरकूर, कुंदापूर, मुकांबिका रोड, बैदूर, भटकल मोरडेश्वर, होन्नावर, कुमठा, गोकर्ण रोड, अंकोला, कारवार, काणकोण, मडगाव, करमली, थिवी, सावंतवाडी रोड, कुडाळ, कणकवली, रत्नागिरी, संगमेश्वर रोड, चिपळुण, खेड व रोहा स्थानकावर थांबेल.

गाडी क्रमांक- 01109 ही सोमवारी (दि. 21 मार्च) पनवेलहून सकाळी 7:55 वाजता सुटून, त्याच दिवशी रात्री 21:30 वाजता मडगावला पोहोचणार आहे. या गाडीला 21 डबे असून, रोहा, माणगाव, वीर, खेड, चिपळूण, संगमेश्वररोड, रत्नागिरी, राजापूर रोड, कणकवली, सिंधुदुर्ग, सिंधुदुर्ग, कुडाळ, सावंतवाडी रोड, थिवी व करमली स्थानकावर थांबेल, अशी माहिती रेल्वे कडून मिळाली आहे.