सासष्टी, दक्षिण गोव्यातील रेल्वे मार्गावर दुपदरी करणाच्या कामाने गती घेतली असून जिथे हे काम पूर्ण झाले आहे त्या भागातील रेल्वे मार्गाची गती चाचणी १० जूनला करण्याचा निर्णय दक्षिण पश्र्चिम रेल्वे प्रशासनाने जाहीर केला आहे.
सर्वप्रथम माजोर्डा-कासावली दरम्यानच्या मार्गाची चाचणी केली जाईल.
रेल्वे मार्गाचे दुपदरीकरण केवळ कोळसा वाहतुकीसाठी करण्यात येत असल्याचा आरोप सरकार व रेल्वे प्रशासनावर करण्यात येत आहे. या चाचणीची नोटीस दक्षिण पश्र्चिम रेल्वेच्या दक्षिण विभागाच्या रेल्वे सुरक्षा आयुक्ताने काढली आहे.
या चाचणीवेळी अडथळा आणणाऱ्यास किंवा रेल्वे मार्ग बळजबरीने ओलांडणाऱ्यांवर कायदेशीर कारवाई केली जाईल, असे नोटिशीत स्पष्ट करण्यात आले आहे. या चाचणीनंतर बेंगळुरू येथील रेल्वे सुरक्षा आयुक्ताने योग्यता मान्यता दिल्यानंतर सार्वजनिक वाहतुकीसाठी हा रेल्वे मार्ग खुला केला जाईल, असे कळविण्यात आले आहे. माजोर्डा ते कासावली हे साडेचार किलो मीटर अंतर आहे. हे काम वास्को ते तिनईघाट दुपदरीकरण योजने अंतर्गत पूर्ण करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.