Captain Pankaj Gaonkar: गोव्यासाठी अभिमानास्पद अशी बातमी सुर्ला गावातून समोर आली आहे. तालुक्यातील अतिदुर्गम सुर्ला या गावातील डॉ. पंकज गावकर या युवकाची भारतीय सेनेत वैद्यकीय विभागाच्या कॅप्टनपदी निवड झाली आहे.

सेनेच्या वैद्यकिय विभागात कॅप्टन म्हणून बढती मिळालेले पंकज हे पहिले गोमंतकीय असावे, असे सूत्रांनी सांगितले. डॉ. पंकज गावकर यांच्या या नियुक्तीबद्दल गोव्याच्या सर्व भागातून त्यांचे अभिनंदन करण्यात येत आहे.

पंकज गावकर यांच्या नियुक्तीमुळे राज्यातील तरुणांना देशसेवा करण्यासाठी एक बळ मिळाले आहे. युवकांनी पुढे येऊन भरतीसाठी प्रयत्न करावेत, अशी आशा गावकर यांनी व्यक्त केली आहे