फोंडा: तळपणवाडा-शिरोडा येथे मुलानेच वडिलांचा खून केल्याने या भागात खळबळ उडाली आहे. या खून प्रकरणातील संशयित राजेश गावकर याला फोंडा प्रथम श्रेणी न्यायदंडाधिकाऱ्यांसमोर उभे केले असता सात दिवसांचा रिमांड देण्यात आला.

हा खुनाचा प्रकार बुधवारी दुपारी घडला होता. लग्नाच्या (Marriage) विषयावरून भांडण उकरून काढून राजेश याने वडील गणेश गावकर यांच्यावर लोखंडी पहार व टाईल्सचा तुकडा डोक्यावर मारल्याने ते गंभीर जखमी झाले होते. त्यांना अत्यवस्थ स्थितीत बांबोळी इस्पितळात दाखल केले असता तेथेच त्यांचे निधन झाले. त्यानंतर फोंडा पोलिसांनी (Police) संशयित राजेशविरुद्ध खुनाचा गुन्हा नोंदवला होता. उपलब्ध माहितीनुसार भांडण झाले त्यावेळेला राजेश दारुच्या नशेत होता. (Shiroda Murder Case News Updates)

संशयित राजेश गावकर हा रोजच वडिलांशी लग्नाच्या विषयावरून भांडत होता. राजेशची विवाहित बहीण जवळच राहत असल्याने तीच या दोघांना जेवणखाण करून देत होती. तिनेच फोंडा पोलिसांत तक्रार दाखल केली असून फोंडा (Phonda) पोलिस अधिक तपास करीत आहेत.