गोमन्तक-सकाळ माध्यम समूहाच्या वतीने आजपासून म्हापशात अग्निष्टोम महासोमयागाला सुरुवात झाली आहे.

जगभरातील वाढते प्रदूषण आणि मानवी जीवनातील धकाधकीच्या प्रतिकूल परिस्थितीमध्ये सकारात्मक ऊर्जानिर्मिती, वातावरण शुद्धी, मनोबल वृद्धी आणि आध्यात्मिक समाधानासाठी हे यज्ञ करण्यात येत आहे.

वेदकाळातील यज्ञयागांचे स्वरूपच वेगळे होते. त्यातला अत्यंत महत्त्वाचा म्हणजे सोमयाग.

यासाठी ऑस्ट्रियाहून आलेली आस्ट्रिड यमुना ब्यूर हीने तिचा अग्निहोत्रचा अनुभव सांगितला आहे.

सृष्‍टीचक्रातील सामाजिक आध्‍यात्‍मिक, वैचारिक वातावरण निकोप व शुद्ध व्‍हावे, या उदात्त हेतूने या महासोमयागाचे आयोजन करण्यात आले आहे.

अक्कलकोट येथील श्री स्वामी समर्थ चिन्मय पादुका मठ गुरुमंदिर (श्री बाळप्पा मठ) या गुरुपीठवरून परमसद्गुरू श्री गजानन महाराज (शिवपुरी) यांच्या चैतन्य पादुकांचे आज पूजन करण्यात आले.

समस्‍त गोमंतकीयांनी या सोहळ्यात सहभागी व्‍हावे व मांगल्‍य, प्रसन्‍नतेची अनुभूती घ्‍यावी, असे आवाहन अग्निहोत्री सुहोता दीपक आपटे (दीक्षित) यांनी केले आहे.

व्‍यक्‍तिगत स्‍वार्थ नव्‍हे, विश्‍‍व कल्‍याणासाठी दुर्मीळ सोमयाग यज्ञ होत आहे.

यज्ञामुळे पंचमहाभूतांना बळकटी देण्‍याच कार्य घडणार आहे. गोव्‍यात यज्ञाची जुनी परंपरा आहे. त्‍याचे उत्‍थान होणार आहे. गोव्‍याची काही वैशिष्‍ट्‍यांपुरती सीमित ओळख नसून, आध्‍यात्‍मिक क्षेत्रातही गोव्‍याचा विशेष लौकिक आहे. सोमयाग यज्ञ उत्‍सवामुळे त्‍याला अधिक झळाळी लाभणार आहे.