म्हापसा: अन्साभाट, म्हापसा येथे नगरपालिकेच्या सहा कचराकुंड्या जाळण्याचा धक्कादायक प्रकार उघडकीस आला. घरोघरी कचरा गोळा करण्यासाठी या ट्रॉली कुंड्या वापरल्या जात होत्या. याप्रकरणी पालिकेने म्हापसा पोलिसांत अज्ञाताविरूध्द तक्रार दिली आहे.
गुरूवारी, १७ रोजी सकाळी ८.३० च्या सुमारास ही घटना उघडकीस आली. अन्साभाट येथील एका बांधकाम इमारतीच्याजवळ या कचराकुंड्या ठेवल्या होत्या. बुधवारी १६ रोजी मध्यरात्रीच्या दरम्यान अज्ञाताने आग लावून या सहाही प्लास्टीकच्या कचराकुंड्या जाळल्या.
घरोघरी कचरा गोळा करणाऱ्या कामगारांच्या निदर्शनास आल्यावर हा प्रकार म्हापसा पालिका अधिकाऱ्यांच्या कानी घातला गेला. घटनास्थळी सहा कुंड्या रस्त्याच्या कडेला ठेवल्या होत्या. त्या गटारात टाकून त्यांना पेट्रोलच्या सहाय्याने आग लावली गेली. हा प्रकार घडला तेव्हा, लोक गाढ झोपेत होते.
सध्या पोलिसांनी सीसीटीव्ही फुटेजच्या आधारे आरोपीचा शोध सुरू केला आहे. अज्ञात व्यक्तीने कुंड्या का जाळल्या? यामागे कोणते उद्दिष्ट होते? याचा तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.