Anjuna Land Grabbing Case: हणजूण येथील सर्व्हे क्रमांक 444/8 चे बोगस दस्तावेज मामलेदार कार्यालयात सादर करून जमीन हडपल्याचे समोर आले आहे.

याप्रकरणी विशेष तपास पथकाने (एसआयटी) रोहन हरमलकर याच्‍यासह 14 जणांविरोधात आज गुन्हा दाखल केला. या प्रकरणाचा तपास निरीक्षक सूरज सामंत करत आहेत.

कामुर्ली-बार्देश येथील आंतोनियो सावियो डिसोझा यांनी गत वर्षी एसआयटीकडे त्यांची जमीन हडपल्याची तक्रार दिली होती.

गुन्हा दाखल झालेल्यांत मॅथ्यू डिसोझा (मुंबई), देवानंद कवळेकर (पिळर्ण), पीटर वाझ (हणजूण), फेलिक्स नोरोन्हा (शापोरा), आकाश चौधरी व सीमा चौधरी (कर्नाल-हरयाणा), आल्क्रांतो डिसोझा, जी. डिसोझा, आर्चिबाल्ड डिसोझा, तेरेझा डिसोझा, मॅक्सी डिसोझा, टिना डिसोझा, वेरोनिका डिसोझा (सर्व रा. धुळेर), रोहन हरमलकर (तिसवाडी) यांचा समावेश आहे. त्यांना चौकशीसाठी बोलावण्यात येणार असल्याची माहिती पोलिसांनी दिली.