गोव्यात एका तरुणीने आपल्या सख्ख्या भावाविरुद्ध बलात्काराचा खोटा गुन्हा दाखल केल्याचं आता स्पष्ट झालं आहे. प्रियकरासोबतच्या नात्याला भावाचा विरोध असल्यामुळे वैफल्यग्रस्त बहिणीने खोटा बलात्काराचा गुन्हा दाखल केला. आता या आरोपी भावाला कोर्टाने सशर्त जामीन मंजूर केला आहे.

(sister filed false rape case against brother)

मिळालेल्या माहितीनुसार गोव्यातील एका तरुणीने आपल्या प्रियकरासोबत असलेल्या नात्याला सख्ख्या भावाने विरोध केला होता. हाच राग मनात ठेवत भावाविरुद्ध बहिणीकडून बलात्काराचा खोटा गुन्हा दाखल करण्यात आला असल्याची माहिती समोर आली आहे.

तक्रारदार तरुणीने याबाबतची तक्रार म्हापसा पोलीसांकडे केली होती. यानुसार पोलीसांनी तक्रार दाखल करुन घेत चौकशी सुरु केली. याबाबत पोलीसांनी दिलेल्या माहितीनुसार तक्रार तरुणी रिलेशनशिपमध्ये होती.

ज्याला तिच्या कुटुंबीयांनी आणि भावाने विरोध केला, परिणामी तिचे प्रियकराशी असलेले संबंध ताणले गेले आणि ती प्रचंड तणाव, आघात, मानसिक त्रास आणि धमक्या यातून जात होती. त्यामुळे निराश होऊन तक्रार दाखल केली होती. पोलिसांनी याबाबत संशयितास न्यायालयात हजर केले असता यावर बोलताना न्यायालयाने नमूद केले की, आरोपीला सशर्त जामीन द्यावा.